مہر خبررساں ایجنسی کی رپورٹ کے مطابق، اسلامی جمہوری ایران کے وزیر خارجہ سید عباس عراقچی نے پاکستان کے آرمی چیف جنرل عاصم منیر سے ٹیلیفونک رابطہ کیا جس میں خطے کی صورتحال اور امن و سلامتی کے امور پر تبادلہ خیال کیا گیا۔
وزیر خارجہ نے گفتگو کے دوران پاکستان کی حکومت کے تعمیری اور ذمہ دارانہ کردار کی تعریف کی اور جنگ کے خاتمے اور خطے میں امن و استحکام کے فروغ کے لیے کی جانے والی مسلسل اور مؤثر کوششوں پر جنرل عاصم منیر کا شکریہ ادا کیا۔
اس موقع پر دونوں رہنماؤں نے پاکستان کے وزیر اعظم شہباز شریف اور ایران کے صدر ڈاکٹر مسعود پزشکیان کے درمیان حالیہ ٹیلیفونک گفتگو کا بھی حوالہ دیا اور اس بات پر زور دیا کہ دونوں ممالک کے درمیان رابطوں اور باہمی تعاون کو مزید مضبوط بنایا جائے اور طے شدہ نکات پر عملدرآمد جاری رکھا جائے۔
گفتگو کے دوران ایران اور لبنان میں صہیونی حکومت کی جانب سے جنگ بندی کی خلاف ورزیوں پر بھی تبادلہ خیال کیا گیا اور خطے میں امن کے قیام کی ضرورت پر زور دیا گیا۔
آپ کا تبصرہ